Lustige Gedichte

Der Vergessliche
eingereicht von Ingrid + Hans Geiger

Sche langsam fallt mir’s denke schwer,
die Leut wo Dings heißen wer’n allweil mehr.
Und net nur Leut, au Ort und Berg heißen so,
weil i mir koin Name mehr merke ko.

Schau sag i Frau ... , i kenn doch des Gfrieß,
ob des net am End der Dings gwesen is.
O mei, sagt sie, fallt dir dem sein Name nit ei,
des ka doch it scho wieder der Dings gwesen sei.

Ja freilich, sag i, der Dings ihren Mo,
du weißt doch sein Name, du kennst’n do.
Und nur ganz langsam wird uns dann klar,
dass des von meim Freund a Spezel war.

Nur sein Name, der fallt uns net ei,
des muß so e Dings mit fünf Buchstabe sei.
Bloß oins, des wisset mir gwiß,
dass des vom Dingsbums der Vatter is.

Woischt scho, der die Dings gheirotet hat,
I kas jetzt grad it nenne, wie heisst’s denn grad.
Ah, du meinst vom Dings drüben, oh mei,
da fallt mer jetzt grad der Name net ei.

Und wie mir so denket grad hin und her,
do kommt d’Frau Dings, d’ Frau Lechner daher,
und weil sie in unserem Alter grad is,
woiss sie au der Dings ihren Name net gwiss.

Bluetsappra, jetzt lasst’s aber aus,
mir bringet ganz oifach den Name it raus.
Sitz i auf em Gipfel und schau rund herum
Do goht’s wieder los, mir wird’s scho bald z’dumm.

A Frau nebe mir, nach em Berg will’s mi fragen
I fang an zum reden, no kann i’s net sagen,
des is der Dings, na des wissen’s scho,
und der daneben, der hoisst grat au so.

Sie schaut mi a und tuet an Lacher, an lange,
dann sagt sie: so hot’s bei mir au angfange.
Im Tal drunt, da is mir d’Erleuchtung dann kemma,
den Name vom Dingsberg, den könnt i jetzt nenna.

Und wie i es laut sagen will, ja kann des denn sei
do fallt mir der Name scho wieder net ei.
Do frag i mei Frau, die woiß des ganz gwiss,
weil diea auf dem Berg droben dabei gwesen is.

Wie hoisst denn der Berg, auf dem mir gestern war’n drom?
Sie gibt mir zur Antwort, des woiss i schon
Des war’n diea zwoi Dingsberg, des woiss i gwiss,
weil des doch leicht zum merke is.