Lustige Gedichte

Fenster streichen
geschrieben von Werner Roller

Dr Màlermoischd’r secht zom G’sell,
gang zur Marie nie’br, uf dr Schdell.

Dui hòt grad rieb`br telefoniert,
ihre ganze Fenschdr seià’d vèr`schmiert.

Sie däd’s grad butzà, nà kenndschd nieb’r,
frisch g’schrichà well se’s, aber net ib’r dr Dreck drieb’r.

Jetzt griàgt dr Gsell an Bens’l ond à Farb,
er soll nòre machà, s’bressiert à rà arg.

Dr Moischd’r der vèrtraut seim Gsell,
denn normalèrweis, schafft der reàcht schnell.

Tatsächlich, nòch net àmòl zwoi Schdond,
der zu seim Moischd’r rieb’r kommt.

D’ Fenscht’r, dià han i jetzt g’schdrichà,
dià Gläser warèd bais vèrblichà.

I muàß aber nò ml zu’rà nom,
weil i jetzt zu de Ràhmà komm.